’شدت پسندی سے مسلمان دور‘

وکی لیکس کے تازہ انکشافات کے مطابق بھارت میں بسنے والے پندرہ کروڑ

مسلمانوں میں سے بیشتر کو شدت پسندی پر کشش نظر نہیں آتی ہے۔

بھارت میں امریکہ کے سابق سفیر ڈیوڈ ملفرذ نے اپنے ایک مراسلے میں لکھا تھا کہ بھارتی جمہوریت، ملک کی ثقافت اور فطری قومیت مسلم سماج کو اپنی طرف لبھاتی ہے۔

اپنے مراسلے میں انہوں نے بھارتی ثقافت کی خوب تعریف بھی کی تھی۔

وکی لیکس کے ان تازہ انکشافات کو برطانوی اخبار گارڈین نے شائع کیا ہے جس کے مطابق ڈیوڈ ملفرڈ نے لکھا تھا کہ علحیدگی پسندی اور مذہبی شدت پسندی بھارتی مسلمانوں پر بہت کم اثر انداز ہوئی ہے اور زیادہ تر مسلمان جدید راستے کو اپناتے ہیں۔

ڈیوڈ ملفرڈ نے اپنے مراسلے میں جو تجزیہ پیش کیا تھا اس کے مطابق بھارت کی معاشی ترقی، پنپتی جمہوریت اور گنگا جمنی تہذیب بھارتی مسلمانوں کو حوصلہ دیتی ہے اور اس سے ان کی علحیدگی پسندی دور ہوتی ہے۔

سابق امریکی سفیر نے لکھا تھا کہ اس ملک میں نا صرف مختلف برادریوں کے لوگ سکون سے ایک ساتھ رہتے ہیں بلکہ مختلف نظریات کے حامل سختگیر لوگ بھی ساتھ میں رہتے ہیں۔

ان کا کہنا تھا کہ جہاں ایک طرف ہندو، مسلمان اور سکھ برادریوں میں بھی کچھ شدت پسند عناصر ہیں وہیں سیاسی نظریات کے حامل سختگیر بھی ہیں اور ساتھ رہتے ہیں۔

ان کے مطابق سیاسی سطح پر بھارت میں ماؤ نواز اور دائیں بازو کے لوگ سختگیر نظریات کے حامل ہیں۔

وکی لیکس میں سونیاگاندھی کی ذاتی زندگی

سونیاگاندھی

سونیا گاندھی اپنی ذات زندگی کے متعلق خاموش رہتی ہیں

وکی لیکس کے انکشافات کے مطابق بھارت میں حکمراں جماعت کانگریس پارٹی کی صدر سونیا گاندھی کے والدین راجیوگاندھی سے ان کی شادی کے حق میں نہیں تھے۔

اس کے مطابق سونیا گاندھی نے اپنے والدین کی مرضی کے خلاف بھارت کے سابق وزیر اعظم راجیوگاندھی سے شادی کی تھی۔

تازہ انکشافات کے مطابق محترمہ گاندھی نے اس بارے میں کلیفورنیا کے سابق گورنر آرنالڈ شوارزنیگر کی اہلیہ ماریہ شرائیور سے ہوئی ایک ملاقات کے دوران بتایا تھا۔

دلی میں امریکی سفارتخانے کے ایک سینیئر اہل کار نے چار اگست دو ہزار چھ کو لکھےگئے اپنے ایک مراسلے میں اس ملاقات کی تفصیلات واشنگٹن کو بھیجی تھیں۔

وکی لیکس کے ایک کیبل کے مطابق سونیا گاندھی عام طور پر خاموش طبع تصور کی جاتی ہیں اور اپنی ذاتی زندگی کے متعلق زیادہ کھل کر بات نہیں کرتی ہیں لیکن اس ملاقات میں انہوں نے اپنی ذاتی زندگی کے متعلق کھل کر بات کی تھی۔

اس مراسلے میں لکھا گيا تھا کہ محترمہ گاندھی نے سیاسی معاملات پر بات کرتے ہوئے کہا کہ ’بھارت میں دایاں بازو بہت مضبوط ہورہا تھا اور کانگریس کمزور ہورہی تھی۔۔۔ اسی وجہ سے گاندھی خاندان کی وراثت کو بچانے کے لیے مجبور ہوکر انہیں سیاست میں آنا پڑا۔‘

اس کیبل کے مطابق ابتداء میں ان کے سیاست میں آنے کے فیصلے سے ان کے بچے بہت خوش نہیں تھے لیکن بعد میں انہوں نے کہا ’آپ جو بھی فیصلہ کریں گی ہم اس کا ساتھ دیں گے۔‘

وزیراعظم کا عہدہ ٹھکرانے کے متعلق انہوں نے زیادہ کچھ نہیں کہا۔ وکی لیکس کے مطابق ان کا کہنا تھا ’مجھ سے اکثر اس بارے میں پوچھا جاتا ہے لیکن آپ لوگوں سے کہہ سکتی ہیں کسی روز اس پوری کہانی پر میں کتاب لکھوں گی۔‘

محترمہ گاندھ نے کہا کہ کسی دوسرے کے وزیراعظم بننے سے انہیں اچھا لگا اور اس فیصلے پر انہیں کوئی افسوس نہیں ہے۔

ماریہ شرائیور بھارت میں خواتین کے مسئلے پر بات چیت کے لیے آئی تھیں اور تین اگست دو ہزار چھ کو انہوں نے سونیا گاندھی سے ملاقات کی تھی۔

امریکی دستاویزات کے مطابق دلی میں امریکی سفارتکار نے ان کے متعلق جو تجزیہ پیش کیا ہے اس کے مطابق سونیا گاندھی اپنے خاندان کے ساتھ ہوئے حادثات کے بعد اپنی ایک ایسی شخصیت بنائی ہے جو ان کی ذاتی زندگی کو عام ہونے سے باز رکھتی ہے۔

اس کے مطابق سونیا گاندھی جب بھی اپنے شوہر راجیوگاندھی یا ساس اندرا گاندھی کے متعلق بات کرتی ہیں تو اپنے جذبات پر قابو پانے کے لیے انہیں سخت کوشش کرنی پڑتی ہے۔

اس رسالے میں لکھا گیا تھا کہ ’بہت ہی احتیاط سے بنائی گئے بھارتی تشخص کے باوجود ان کی اطالوی شخصیت، ان کی واضح عادتوں، باتوں، رکھا رکھاؤ اور دلچسپیوں میں، جھلکتی ہے۔‘

الفتح تنظیم نے اسرائیل کو حماس پر حملے کی دعوت دی، وکی لیکس

وکی لیکس کے چونکا دینے والے انکشافات کا سلسلہ جاری ہے ، تازہ ترین انکشاف یہ ہوا ہے کہ فلسطین اتھارٹی کے صدر محمود عباس کی تنظیم الفتح نے دو ہزار سات میں اسرائیل سے کہا تھا کہ وہ حماس پر حملہ کر دے۔تیرہ جون دو ہزار سات کو تل ابیب سے امریکی سفارت خانے کو بھیجے گئے مراسلے کے مطابق۔۔اسرائیلی سیکیورٹی ایجنسی کے چیف Yuval Diskin کا کہنا تھا کہ انہوں نے فلسطینی صدر محمودعباس کی سیکیورٹی سروسز سے بہت اچھے تعلقات قائم کرلیے ہیں اور یہ ایجنسیاں تقریبا تمام معلومات اسرائیل کو فراہم کرتی ہیں۔۔ اسرائیلی سیکیورٹی چیف نے امریکی سفیر کو بتایا کہ الفتح کے چند رہنما ان کے پاس آئے تھے۔وہ بہت مایوس ، غیر منظم اور بددل نظر آرہے تھے ۔ انہوں نے زور دیا کہ غزہ میں اسرائیل کو مداخلت کرنی چاہیے وہ ابھی تک حماس پر حملے کے لیے اصرار کر رہے ہیں ۔ تاہم اسرائیلی سیکورٹی چیف نے الفتح کے ان رہنماوٴن کے نام بتانے سے گریز کیا۔مراسلے کے مطابق یوول ڈسکن نے کہاکہ ان کے لیے یہ بالکل نئی صورت حال ہے ، جو اس سے پہلے کبھی دیکھنے میں نہیں آئی ۔مراسلے کے مطابق اسرائیل کے سیکیورٹی چیف نے امریکا کی جانب سے الفتح کو اسلحہ دینے کی تجویز کی بھی مخالفت کی۔ یوول ڈسکن کا کہنا تھا کہ غزہ پر حماس کا تسلط قائم ہے اور یہ اسلحہ حماس کے ہاتھوں میں بھی پہنچ سکتا ہے۔موجودہ حالات میں فتح کے لیے حماس کو مکمل طور پر ختم کرنا ممکن نہیں ہوگا۔

امریکی فوجی پاکستانی سرزمین پر

وکی لیکس پر بدھ کو شائع ہونے والے ایک مراسلے میں جو نو اکتوبر سنہ دو ہزار نو کو امریکی وزارت خارجہ کو بھیجا گیا تھا، اس وقت پاکستان میں تعینات امریکی سفیر ڈبلیو این پیٹرسن نے کہا تھا کہ پاکستان فوج نے اجازت دے دی ہے کہ قبائلی علاقوں میں جاری فوجی کارروائی میں امریکی سپیشل فورس پاک فوج کا ساتھ دے۔

اس مراسلے میں کہا گیا ہے کہ یہ دوسری بار ہے کہ پاکستان فوج نے امریکی فورسز کو اپنے ساتھ کارروائی میں مدد کرنے کی اجازت دی ہے اور اس سے قبل سنہ دو ہزار نو ستمبر میں امریکی سپیشل سروسز کے چار اہلکاروں کو پاکستان کے قبائلی علاقوں میں فرنٹیئر کور کے ساتھ منسلک کیا گیا تھا اور یہ تعاون نہایت کامیاب رہا تھا۔

مراسلے کے مطابق جی ایچ کیو نے امریکی فورسز کو گیارہویں کور کے ساتھ کام کرنے اور پاک فوج کو انٹیلیجنس، نگرانی اور دیگر امور پر مشورے دینے کی اجازت دی۔ یہ فورسز پاک فوج کے ساتھ جنوبی اور شمالی وزیرستان میں تعینات کی گئیں۔

مراسلے میں کہا گیا ہے کہ امریکی سپیشل فورسز پاکستان میں چار سال سے موجود ہیں لیکن سنہ دو ہزار نو سے قبل ان کا کردار تربیتی شعبے میں تھا۔

امریکی سفیر کے مطابق جی ایچ کیو کی جانب سے امریکی سپیشل فورسز کو اجازت ملنے سے یہ ثابت ہوتا ہے کہ پاکستانی فوج میں امریکی فوج کے حوالے سے سوچ میں تبدیلی آئی ہے۔

امریکی سفیر نے اس مراسلے کے آخر میں لکھا ہے کہ امریکی فوج کی پاکستان فوج کے ساتھ ہونا سیاسی طور پر نہایت حساس ہے اور اگر یہ خبر پاکستانی میڈیا تک پہنچ گئی تو پاکستان فوج یہ اجازت نامہ منسوخ کر دے گی۔

عافیہ بگرام میں نہیں تھیں: وکی لیکس

عافیہ صدیقی کی گمشدگی کا معاملہ مزید الجھ گیا ہے

وکی لیکس نے جن خفیہ امریکی دستاویزات کا انکشاف کیا ہے ان کے مطابق امریکی سفارت کار اس بات سے آگاہ نہیں تھے کہ عافیہ صدیقی افغانستان میں منظر عام پر آنے سے پہلے کہاں پر تھیں۔

ان دستاویزات کے مطابق پاکستانی سائنسداں عافیہ صدیقی افغانستان میں بگرام کی فوجی جیل میں قید نہیں تھیں۔
جبکہ عافیہ صدیقی کے حامی اس موقف کے حامی رہے ہیں کہ دوہزار تین میں کراچی سے گمشدگی کے بعد سے وہ امریکی فوج کی قید میں تھیں۔
وکی لیکس کے مطابق سفارت خانے نے اکتیس جولائی دو ہزار آٹھ کو لکھا تھا کہ ’بگرام کے حکام نے ہمیں اس بات کا یقین دلایا ہے کہ انہوں نے گزشتہ چار برسوں سے صدیقی کو قید میں نہیں رکھا ہے جیسا کہ الزامات لگائے جا رہے ہیں۔‘

بگرام کے حکام نے ہمیں اس بات کا یقین دلایا ہے کہ انہوں نے گزشتہ چار برسوں سے صدیقی کو قید میں نہیں رکھا ہے جیسا کہ الزامات لگائے جارہے ہیں۔

عافیہ صدیقی کی گمشدگی کے متعلق یہ ایک نیا انکشاف ہے جس سے یہ معاملہ مزید پیچیدہ ہوگیا ہے۔
امریکہ نے الزام لگایا تھا کہ اکتیس سالہ ڈاکٹر عافیہ صدیقی کا تعلق القاعدہ سے ہے جس کے چند روز بعد ہی مارچ دو ہزار تین میں وہ اپنے تین بچوں کے ساتھ کراچی سے لاپتہ ہو گئی تھیں۔
اس کے پانچ برس بعد وہ افغانستان میں ظاہر ہوئیں۔ ان پر امریکی فوجیوں پر گولی چلانے کا الزام تھا اور اسی الزام کے تحت ان پر مقدمہ چلانے کے لیے انہیں نیو یارک بھیج دیا گیا تھا۔
اس مقدمے میں انہیں اس برس چھیاسی برس قید کی سزا سنائی گئی ہے جس کے خلاف پاکستان میں زبردست احتجاج ہوئے ہیں۔

عافیہ صدیقی کو سزا دینے کے خلاف پاکستان شدید احتجاج ہوئے تھے

عافیہ کے حامی اور ان کے اہل خانہ انہیں معصوم بتاتے ہیں اور ان کا الزام ہے کہ دو ہزار تین اور آٹھ کے درمیان وہ امریکی فوجیوں کی قید میں تھیں۔
تاہم وکی لیکس کی دستاویزات کے مطابق امریکی حکام نے محسوس کیا کہ ڈاکٹر صدیقی اور ان کے تینوں بچوں کے متعلق وہ کچھ بھی چھپانے کے حق میں نہیں تھے۔
فروری میں جب انہیں قصوروار ٹھہرایا گیا تو امریکی سفیر این پیٹرسن نے کہا کہ پاکستان میں رد عمل میڈیا کی '' یک طرفہ'' کوریج کے سبب ہوا ہے جس نے پاکستان کو ’یہ نتیجہ اخذ کرنے پر آمادہ کیا کہ ان کی رہائی تقریبا یقینی ہے۔‘
اس دستاویز میں ایک جگہ اس بات کا بھی ذکر ہے کہ عافیہ صدیقی کی طرف سے عدالت میں عرضی داخل کرنے والے وکیل جاوید اقبال جعفری کو، جنہوں نے جوہری سائنس دان عبدالقدیر خان کا بھی کیس لڑا تھا، ’پیسے کون فراہم کرتا ہے اور محترمہ صدیقی کے طرف سے ان کےحق میں مہم کون چلاتا ہے۔‘
وکی لیکس کے مطابق ان دستاویزات سے یہ بھی پتہ چلتا ہے کہ اس مسئلے پر دونوں ملکوں کے درمیان تعلقات کس قدر خراب ہوگئے تھے۔
دستاویزات کے مطابق وزیراعظم یوسف رضاگیلانی نے دورہ کرنے والے امریکی سیاسی رہنماؤں سے کئی بار عافیہ صدیقی کی پاکستان واپسی کا مطالبہ کیا تھا۔

روس ایک’مافیا ریاست‘ ہے: وکی لیکس

روس میں چند سیاسی جماعتیں منظم جرائم کے ساتھ ہاتھ سے ہاتھ ملا کر چلتی ہیں:گرینڈا

وکی لیکس پر شائع شدہ امریکی خفیہ سفارتی پیغامات کے مطابق سپین کے ایک سینئر پراسیکیوٹر نے میڈرڈ میں امریکی سفارت خانے کو بتایا تھا کہ روس، بیلا روس اور چیچنیا بظاہر مافیا ریاستیں بن چکی ہیں۔

برطانوی اخبار دی گارڈین پر شائع ہونے والے اس مراسلے کو ہسپانوی دارالحکومت میڈرڈ سے بھیجا گیا تھا۔ اس مراسلے کے مطابق جنوری دو ہزار دس کو سپین کے پراسیکیوٹر جوز ’ پیپی‘ گرینڈا گونزیلا نے دعویٰ کیا کہ روس، بیلا روس اور چیچنیا کے بارے میں’ کوئی بھی حکومتی اور سرگرم جرائم پیشہ گروہوں کی سرگرمیوں میں تمیز نہیں کر سکتا ہے۔‘
مراسلے میں یہ سوال بھی اٹھایا گیا تھا کہ آیا روس کے وزیراعظم روسی مافیا میں ملوث ہیں۔
پراسیکیوٹر گرینڈا نے کہا تھا کہ روس کے سابق سکیورٹی ایجنٹ الگزینڈر لیوننکو کا خیال تھا کہ روسی انٹیلیجنس روس میں منظم جرائم کو کنڑول کرتی ہے۔

مراسلے کے مطابق جج نے کہا کہ ان کے پاس اطلاعات ہیں کہ روس میں چند سیاسی جماعتیں منظم جرائم کے ساتھ ہاتھ سے ہاتھ ملا کر چلتی ہیں۔

مراسلے کے مطابق گرینڈا کو یقین تھا کہ یہ مفروضہ درست ہے۔
مراسلے کے مطابق پراسیکیوٹر نے کہا کہ ان کے پاس اطلاعات ہیں کہ روس میں چند سیاسی جماعتیں منظم جرائم کے ساتھ ہاتھ سے ہاتھ ملا کر چلتی ہیں۔
پراسیکیوٹر گرینڈا نے ایک طویل تحقیقات کی نگرانی کی تھی جس کے تحت سپین میں روس کے منظم جرائم میں ملوث ہونے کے الزام میں ساٹھ افراد کو گرفتار کیا گیا تھا۔
وکی لیکس نے یوکرائن کے دارالحکومت کِیو سے بھیجا گیا ایک اور مراسلہ جاری کیا ہے۔ دسمبر دو ہزار آٹھ کے اس پیغام میں کہا گیا ہے کہ یوکرائن کی ایک انتہائی بااثر شخصیت نے امریکی سفیر کو بتایا کہ ان کے روس کے منظم جرائم کے ساتھ مراسم ہیں۔
انھوں نے بتایا کہ اس کاروبار میں آنے کے لیے انھیں ایک غنڈے سیمون موگیلویچ کی منظوری لینا پڑی تھی۔
یورپ اور امریکہ کے قانون نافذ کرنے والے اداروں کا خیال ہے کہ موگلیویچ روسی مافیا کے حاکموں کا حاکم ہے۔
امریکی سفارت خانے کے مراسلے میں سوال اٹھایا گیا تھا کہ آیا روسی وزیراعظم ولادیمیر پیوتن روسی مافیا میں ملوث ہیں اور آیا کیا وہ تنظیم کی کارروائیوں کو کنٹرول کرتے ہیں۔

بھارت اور پاکستان کے درمیان خفیہ معاہدہ

ممبئی پرحملے کے سبب دونوں ملکوں میں اب بھی کشدیگی ہے

ممبئی پر حملے کے ایک ماہ بعد امریکہ کی ثالثی سے بھارت اور پاکستان کے درمیان خفیہ معلومات کے تبادلے کے لیے ایک اہم معاہدہ طے پایا تھا۔

اس معاہدے کے تحت پاکستان نے اس حملے کی تفتیش کی تفصیلات بھارت کو دینے پر اتفاق کیا تھا۔
وکی لیکس کی طرف جاری کردہ دستاویزات کے مطابق پاکستان میں امریکی سفیر این ڈبلیو پیٹرسن نے تین جنوری دو ہزار نو کو واشنگٹن بھیجے گئے اپنے پیغام میں اس کا ذکر کیا ہے۔
’سی آئی اے کی طرف سے اس یقین دہانی کے بعد کہ معلومات صرف خفیہ ایجنیسیوں کے درمیان ہی رہیں گی آئی ایس آئی کے سربراہ (احمد شجاع پاشا) نے اس بات پر اتفاق کیا ہے کہ وہ پاکستان کی تحقیقات کی ’ٹیئر لائن‘ معلومات بھارت کے خفیہ محکمہ کو دیں گے۔‘

سی آئی اے کی طرف سے اس یقین دہانی کے بعد کہ جانکاریاں صرف خفیہ ایجنیسیوں کے درمیان ہی رہیں گی آئی ایس آئی کے سربراہ ( احمد شجاع پاشا) نے اس بات پر اتفاق کیا ہے کہ وہ پاکستان کی جانچ کی '' ٹیئر لائن'' جانکاریاں بھارت کے خفیہ محکمہ کو دیں گے۔

خفیہ محکموں میں ’ٹیئر لائن‘ وہ شبعہ ہے جو ان خبروں کو الگ کرتا ہے جن کی دوسری حکومتوں کے ساتھ شیئر کرنے کی اجازت ہوتی ہے۔
این پیٹرسن نے اپنے پیغام میں کہا تھا کہ امریکی انتظامیہ بھارت پر اس بات کے لیے دباؤ ڈالے کہ وہ ممبئی حملوں سے متعلق ان اطلاعات کو عام نہ کرنے پائے تاکہ معلومات کے تبادلے پر ہوئے معاہدے پر کو ئی اثر نہ پڑے۔

ممبئی پر شدت پسندانہ حملے میں تقریبا پونے دوسو افراد ہلاک ہوئے تھے

اپنے پیغام میں این پیٹرسن نے لکھا ’اگر بھارت اپنی تحقیقات کی تفصیلات پاکستان کو دیے بنا ہی شجاع پاشا پر داؤ ڈالنے کے لیے عام کردے گا تو اس سے پاکستان کو اپنی تفتیش جاری رکھنے میں مشکلات آئیں گی۔ پاکستانی لوگوں میں اس سے ناراضگی بڑھے گی اور اس سے ذاتی طور پر پاشا کمزور پڑیں گے۔‘
اس پیغام کے بھیجنے کے دو روز بعد ہی بھارت نے ممبئی حملے کے متعلق اپنی تفتیش کی تفصیلات پاکستانی ہائی کمیشن کو سونپی تھی۔ ان حملوں سے متعلق بعد میں دوسرے ممالک کے ساتھ بھی معلومات کا تبادلہ کیا گیا تھا۔
اس سے متعلق این پیٹرسن کے ایک دوسرے خط سے اس کی مزید تصدیق ہوتی ہے جو انہوں نے جنوری دو ہزار نو میں صدر آصف علی زرداری سے ملاقات کے بعد لکھا تھا۔
زرداری کو آئی ایس آئی کے ڈائریکٹر لیفٹنٹ جنرل پاشا نے ڈی سی آئی ( ڈائریکٹر سینٹرل انٹلیجنس ایجنسی) کے ساتھ واشنگٹن میں ہوئی اپنی ملاقات کی تفصیل دی ہے اور انہوں نے بھارت کو ’ٹیئر لائن‘ خبریں دینے کی منظوری دیدی ہے۔

اگر بھارت اپنی جانچ کے نتیجوں کی جانکاری پاکستان کو دیے بناہی شجاع پاشا پر داؤ بنانے کے لیے عام کردے گا تو اس سے پاکستان کو اپنی تفتیش جاری رکھنے میں مشکلات آئیں گی۔ پاکستانی لوگوں میں اس سے ناراضگی بڑھیگی اور اس سے ذاتی طور پر پاشا کمزور پڑیں گے۔

اس سے قبل این پیٹرسن نے اپنے ایک خط میں لکھا تھا کہ ان کی نظر میں ممبئی حملوں کی تفتیش مکمل ہونے سے پہلے ہی اسے عام کرنا بھارت کا ایک پختہ قدم نہیں تھا۔
پاکستان میں امریکی سفارتکار این پیٹرسن نے کہا ’ابھی ایف بی آئی نے ایک طویل فہرست بھارتی حکام کو بھیجی ہے اور اپنی جانچ کو مزید آگے بڑھانے کے لیے انہیں اس کی ضرورت ہے۔‘
این پیٹرسن کے خیال میں ممبئی حملوں کے لیے ذمہ دار شدت پسند گروپ لشکر طیبہ بھارت، نیپال، بنگلہ دیش اور پاکستان میں ابھی بھی سرگرم ہیں۔
انہوں نے ایک بیان میں کہا کہ اس طرح کے حملوں کی روک تھام کے لیے انٹیلی جنس کی معلومات کو ایک دوسرے کے ساتھ اشتراک کرنے کا راستہ کھلا رہنا چاہیے۔ ’ہمارا مقصد نا صرف ممبئی حملوں کی سازش کرنے والوں کو سزا دلانا ہے بلکہ بات چیت بھی شروع کرنا ہے جس سے بھارت اور پاکستان کے درمیان کشیدگی کم ہو سکے۔‘
چبھیس نومبر دو ہزار آٹھ کو ممبئی پر ہوئے حملوں میں ایک سو پچہتر افراد ہلاک ہوئے تھے۔

امریکہ سے تعلقات پر برطانیہ مضطرب رہا

ابھی اور بہت سی دستاویزات منطرعام پر آنے کو ہیں

وکی لیکس کی جاری کردہ تازہ دستاویزات کے مطابق برطانیہ امریکہ کے ساتھ اپنے خصوصی تعلقات کے حوالے سے شدید اضطراب اور وسوسوں کا شکار رہا ہے۔

ایک امریکی سفارت کار نے صدر اوباما کے صدر بننے کے بعد اپنے ایک مراسلے میں برطانیہ میں پائی جانے والی اس صورت حال کو بیان کرتے ہوئے لکھا ہے کہ برطانیہ میں ’شدید قیاس آرائیاں‘ جاری ہیں ۔
امریکی سفارت کاروں کی طرف سے لکھے گئے ان مراسلوں میں برطانیہ میں اقتدار میں آنے سے قبل ٹوری پارٹی کے سرکردہ ارکان کی طرف سے امریکہ کے ساتھ اپنی وفاداریاں ثابت کرنے کے لیے کی جانے والی کوششوں کی تفصیلات بیان کی گئیں۔
سنہ دو ہزار آٹھ کے ایک مراسلے میں لندن میں امریکی سفارت خانے کے ڈپٹی چیف آف مشن رچرڈ لی بیرن نے قدامت پسند پارٹی کے رہنما اور آج کل برطانیہ کے وزیرِ خارجہ ولیم ہیگ سے ملاقات کا حال بیان کیا ہے۔
اس ملاقات کے دوران جب یہ سوال اٹھا کہ کیا اب بھی برطانیہ اور امریکہ کے درمیان خصوصی تعلقات ہیں تو ولیم ہیگ نے جواباً کہا ہے ’ہم ایک امریکی نواز حکومت چاہتے ہیں، ہمیں اس کی ضرورت ہے اور دنیا کو اس کی ضرورت ہے‘۔

ایک سے زائد سینیئر برطانوی حکام سفارتخانے سے یہ پوچھ چکے ہیں کہ کیا صدر باراک اوباما اپنے افتتاحی خطاب میں انقلابی جنگ کے دران واشنگٹن کا ذکر کر کے برطانیہ اور امریکہ کے رشتوں کے متعلق کوئی اشارہ کر نے والے ہیں، جبکہ برطانوی اخبار اؤل آفس سے چرچل کے مجسے کے ہٹانے کے واقعے کے ذکر سے بھرے پڑے ہیں۔

لی بیرن کے ایک اور مراسلے کا جو سنہ دو ہزار نو میں لکھا گیا، عنوان تھا ’برطانیہ پوچھتا ہے کہ کیا اب بھی امریکہ سے ہمارے تعلقات کی نوعیت خصوصی ہے۔‘
وہ لکھتے ہیں ’ایک سے زائد سینیئر برطانوی حکام سفارتخانے سے یہ پوچھ چکے ہیں کہ کیا صدر براک اوباما اپنے افتتاحی خطاب میں امریکہ کی خانہ جنگ کے دوران واشنگٹن کا ذکر کر کے برطانیہ اور امریکہ کے رشتوں کے متعلق کوئی اشارہ کرنا چاہتے تھے، جبکہ برطانوی اخبار اوول آفس سے چرچل کے مجسمے کے ہٹانے کے واقعے کے ذکر سے بھرے پڑے ہیں‘۔
اس کے مطابق ’اس وقت برطانیہ میں امریکہ سے اپنے تعلقات کے حوالے سے پائی جانے والی قیاس آرائیاں معمول کی نہیں بلکہ پاگل پنے کی سی ہیں‘۔
لی بیرن نے اس مراسلے میں مشورہ دیا ہے کہ برطانیہ سے زیادہ تعاون حاصل کرنے کے لیے ضروری ہے برطانیہ کو اس مخمصے میں سے نکالا جائے۔ وہ مزید لکھتے ہیں کہ ’امریکہ کی عالمی ترجیحات کے لیے جس طرح برطانیہ نے اپنے مالی، دفاعی اور سفارتی وسائل مہیا کیے ہیں اس کی کوئی مثال نہیں ملتی، برطانوی عوام کا یہ سمجھنا کہ امریکہ اس تعاون کی قدر کرتا ہے اور برطانیہ سے اپنے تعلقات کو اہمیت دیتا ہے، امریکہ کی قومی سلامتی کے لیے اانتہائی اہم ہے۔‘
وکی لیکس کی ان خفیہ دستاویزات کو برطانوی اخبار گارڈین نے شائع کیا ہے جس کے مطابق کنزرویٹیو پارٹی نے، جو اب اقتدار میں ہے، امریکہ نواز پالیسی پر زور دیا تھا۔

وکی لیکس کے انکشافات سے امریکی حکام خش نہیں ہیں

اسی طرح ایک دوسرے خط کے مطابق مسٹر ہیگ نے کنزرویٹیو پارٹی کے رہنما کیمرون، جارج آسبورن اور اپنے آپ کو ’تھیچر کی اولاد اور کٹر ایٹلانسٹ‘ یا امریکہ نواز قرار دیا۔
اس خفیہ دستاویز کے مطابق ’اپنے بارے میں مسٹر ہیگ نے کہا کہ ان کی بہن امریکی ہیں، اپنی پوری چھٹی وہ وہیں گزارتے ہیں، انہیں کی طرح اور بہت سے برطانوی بھی امریکہ کو اپنا دوسرا ملک تصور کرتے ہیں۔‘
لیہم فوکس نے عام انتخابات سے کچھ ماہ قبل امریکی سفارت کار لوئس سسمین سے ملاقات میں ’اپنی ان خواہشات کا یقین دلایا تھا کہ اگر کنزرویٹیو پارٹی اقتدار میں آئی تو وہ امریکہ کے ساتھ مل کر کام کریں گے۔‘
لوئیس سسمین کے ایک مراسلے کے مطابق لیہم فوکس جو اب برطانیہ کے وزیر دفاع ہیں یقین دلایا کہ دفاعی ساز و سامان کی خریداری میں وہ اور زیادہ امریکہ نواز پالیسی اختیار کریں گے۔
اس مراسلے میں امریکی سفیر مزید لکھتے ہیں کہ لیہم فوکس نے کہا کہ ان کی جماعت کے بعض ارکان امریکہ سے تعلقات کے بارے میں اتنے پرجوش نہیں ہیں اور وہ سمجھتے ہیں کہ انھیں امریکہ کا شراکت دار ہونا چاہیے نہ کہ امریکہ کے رحم و کرم پر۔‘
امریکی سفیر کے مطابق مسٹر فوکس نے کہا کہ وہ ان خیالات نہیں مانتے اور وہ امریکی سفارت کار کے اس بیان کو اہمیت دیتے ہیں جس میں انہوں نے برطانیہ کو برابر کا شراکت دار قرار دیا ہے۔

حزب اللہ کو تباہ کرنے کی سعودی پیشکش

اس سے قبل وکی لیکس نے جو اہم کیبل جاری کیا تھا اس کے مطابق سعودی عرب نے امریکہ سے ایران کا جوہری پروگرام تباہ کرنے کو کہا تھا

وکی لیکس پر شائع ہونے والے ایک نئے پیغام کے تحت دو برس قبل سعودی عرب نے امریکہ کو لبنان میں حزب اللہ کو تباہ کرنے کے لیے عرب ممالک کی قیادت میں فوج کی پیش کش کی تھی۔

سعودی عرب کے وزیر خارجہ سعود الفیصل نے امریکہ کے ایک سینئر سفارتکار کو ایک منصوبہ پیش کیا تھا جس کے تحت امریکہ اور نیٹو کی فضائی اور بحریہ فوجی کی مدد سے حزب اللہ کو ختم کیا جاسکتا تھا۔
امریکہ نے اس منصوبے پر یہ کہہ کر شک کا اظہار کیا تھا کہ عسکری طور پر یہ مشکل ہے۔
وکی لیکس پر شائع شدہ دستاویز کے تحت سعود الفیصل اور ڈیوڈ سیٹرفیلڈ کے درمیان یہ میٹنگ 2008 میں ہوئی تھی۔
میٹنگ میں سعود الفیصل نے بیروت اور اس کے اطراف میں امن کے قیام کے لیے ایک عرب فوج کی تجویز پیش کی تھی اور اس کے لیے نیٹو اور امریکی فوج کی جانب سے ٹرانسپورٹ اور لوجسٹک سپورٹ دینے کی بات کہی تھی۔
سعود الفیصل نے کہا تھا کہ بیروت میں حزب اللہ کا فتح کا مطلب فواد سنیورا کی حکومت کا خاتمہ اور ایران کا لبنان پر قبضہ ہوگا۔
یہ انکشاف ایک ایسے وقت میں ہوا ہے کہ جب گزشتہ روز حزب اللہ کے مسلح ارکان نے مرکزی بیروت کے بعض حصوں پر اپنا قبضہ کرلیا ہے۔
وکی لیکس پر شائع شدہ دستاویز کے مطابق سعود الفیصل نے اپنی میٹنگ میں کہا تھا کہ عراق اور فلیسطین میں جاری ایرانی سرگرمیوں کے جاری رہتے ہوئے اگر حزب اللہ بھی بیروت پر اپنا اثر و رسوخ حاصل کرلیتی ہے تو یہ امریکہ اور پورے خطے کے مفاد کے لیے خطرناک ہوگا۔
سعود الفیصل اور سنیورا نے اسے منصوبے کی شدید حمایت کی تھی۔

سعودی عرب میں پارٹیاں

’جدہ کی سڑکوں پر کٹر وہابیت نظر آتی ہے لیکن پس پردہ امراء کے نوجوانوں کی زیر زمین شبانہ زندگی بھی تیزی سے پھل پھول رہی ہے‘

وکی لیکس میں افشاء ہونے والی امریکی سفارتی دستاویزات میں سعودی عرب میں امریکی قونصل جنرل مارٹن آر کوین کی وہ خط و کتابت بھی شامل ہے جس میں وہ کہتے ہیں کہ ایک طرف تو جدہ کی سڑکوں پر کٹر وہابیت نظر آتی ہے لیکن پس پردہ امراء کے نوجوانوں کی زیر زمین شبانہ زندگی بھی تیزی سے پھل پھول رہی ہے۔

سعودی عرب جیسے ملک میں یہ سب اس لیے ممکن ہو پا رہا ہے کیونکہ ان تقریبات میں یا تو کوئی سعودی شہزادہ موجود ہوتا ہے یا ایسی تقریبات کو شاہی خاندان کے کسی رکن کی سرپرستی حاصل ہونے کی وجہ سے مذہبی پولیس کچھ کر نہیں سکتی۔

قونصل جنرل مارٹن آر کوین کے مطابق جدہ میں ایک زیر زمین ہیلووین پارٹی میں جو ایک شہزادے کی رہائش گاہ پر ہوئی ڈیڑھ سو کے لگ بھگ نوجوان سعودی عورتیں اور مرد موجود تھے۔ اس ہیلووین پارٹی میں امریکی قونصل خانے کے اہلکاروں نے بھی شرکت کی۔

شراب، منشیات اور سیکس غرض یہ کہ تمام طرح کی دنیاوی ترغیبات موجود ہیں لیکن یہ سب سختی کے ساتھ بند دروازوں کے پیچھے ہو رہا ہے۔

رہائش گاہ کے اندر داخل ہونے سے پہلے شہزادے کے سکیورٹی گارڈز کی چیک پوسٹ سے گزرنے کے بعد جو منظر سامنے آیا وہ سعودی عرب سے باہر کسی بھی نائٹ کلب جیسا تھا۔ نوجوان جوڑے ناچ رہے تھے، میوزک چلانے والا ڈی جے اور ہر کوئی مخصوص لباس میں تھا۔

اس پارٹی کے لیے رقم کا انتظام مشروبات بنانے والی ایک امریکی کمپنی اور خود میزبان شہزادے نے کیا تھا۔

امر بالمعروف نہی عن المنکر نامی مذہبی پولیس کہیں دور دور تک نظر نہیں آ رہی تھی جب کہ اس پارٹی میں داخلہ سختی سے نافذ العمل مہمانوں کی لسٹ کے لحاظ سے تھا۔

ایک نوجوان سعودی تاجر کے مطابق اس طرح کی تقریبات ہمیشہ شہزادوں کے گھروں میں یا ان کی موجودگی میں ہوتی ہیں جس کی وجہ سےمذہبی پولیس کو مداخلت کا موقع نہیں ملتا۔

سعودی سلطنت میں اس وقت دس ہزار سے زائد شہزادے ہیں۔

سعودی قانون اور روایات کے مطابق شراب پر سختی سے پابندی ہے لیکن اس تقریب میں شراب وافر مقدار میں موجود تھی جسے تقریب کے لیے بنائے گئے بار سے مہمانوں کو دیا جا رہا تھا۔

امریکی قونصل جنرل لکھتے ہیں کہ اگرچہ اس تقریب میں اس بات کا براہ راست مشاہدہ نہیں کیا گیا لیکن کوکین اور حشیش کا استعمال ان سماجی تقریبات میں عام ہے اور دوسرے موقعوں پر دیکھا گیا ہے۔

مارٹن آر کوین کے مطابق سعودی نوجوان اس نسبتاً سماجی آزادی اور سیکس سے تفریح حاصل کرتے ہیں لیکن صرف بند دروازوں کے پیچھے اور یہ سب صرف امیروں کے لیے ہی ممکن ہے۔

Halloween Party in Jeddah, reveals WikiLeaks

JEDDAH: US diplomat in Saudi Arab described in the cable that he attended the underground Halloween party in Jeddah in 2009 where Saudi Princes among more than 150 Saudi men and women were present, most in their 20s and 30s.

The cable also revealed that the Halloween party broke all the country's Islamic taboos.

A US company also put up some of the finance, cable added.

US diplomat also told that the party was held under strict security.

Commenting on Halloween Party, US diplomat said that such parties are held only behind closed doors and for the very rich.

آسٹریلیا کا وکی لیکس کے بانی جولین اسانج کی حمایت کا اعلان

  آسٹریلوی حکومت نے وکی لیکس کے بانی جولین اسانج کی حمایت کا اعلان کردیا۔آسٹریلوی وزیر خارجہKevin Rudd نے ٹی وی پر دیے گئے بیان میں کہا کہ عام آسٹریلوی شہریوں کی طرح اسانج کو بھی سفارتی معاونت فراہم کی جائے گی۔ ان کا کہنا تھا کہ جلد ہی اسانج کو ایک خط کے ذریعے بتایا جائے گا کہ آسٹریلوی حکومت ان کی معاونت کے لیے تیار ہے۔ لندن میں آسٹریلوی قونصل جنرل نے اسانج سے ملاقات کی اور دیگر آسٹریلوی سفارتکار اسانج کے مقدمے کی سماعت میں شریک ہوئے۔ ایک روز پہلے آسٹریلیا کی وزیر اعظم جولیا گیلارڈ نے وکی لیکس کے انکشافات کو انتہائی غیرذمہ دارانہ قرار دیا تھا۔

سعودی حکومت نے حزب اللہ کیخلاف فوج بنانے کی تجویزپیش کی تھی،وکی لیکس

واشنگٹن ... وکی لیکس نے سعودی عرب کے خلاف ایک کے بعددوسرے رازافشاکرنے کاسلسلہ جاری رکھاہواہے اوراب ایک دستاویزکے مطابق سعودی حکومت نے لبنان کی حزب اللہ تنظیم کے خلاف عرب ممالک کی فوج بنانے کی تجویزپیش کی تھی۔مئی دوہزار8کوریاض سے جاری کیے گئے مراسلے میں کہاگیاہے کہ سفیرڈیوڈ سیٹرفیلڈاورعراقی سفارتکاروں نے شہزادہ سعودالفیصل سے ملاقات کی۔بات چیت کامحورعراق تھامگرشہزادے نے کہاکہ لبنان کی حکومت کو،،،حزب اللہ کے فوجی چیلنج کا،،سیکیورٹی جواب دیاجاناچاہیے۔یہ عرب فورس اقوام متحدہ کے تحت ہوجبکہ امریکااورنیٹواسے لاجسٹک،فضائی اوربحری مدددیں۔بیروت میں حزب الل کی فتح کامطلب سینی اورا حکومت کاخاتمہ اورلبنان پرایران کاقبضہ ہے۔ دستاویزکے مطابق انہوں نے دعوی کیاکہ اس تجویزکووزیراعظم سینی اورا کی حمایت حاصل ہے جبکہ مصر،اردن اورعرب لیگ کے سیکریٹری جنرل عمروموسی بھی اس سے واقف ہیں۔اوران تمام محاذوں پرجہاں ایران پیشرفت کررہاہے،لبنان میں امن قائم کرنانسبتاآسان ہوگا۔

Wikileaks : Embassy wise cables

Embassy or other source	Number of documents
Secretary of State	8,017
Embassy Ankara	7,918
Embassy Baghdad	6,677
Embassy Tokyo	5,697
Embassy Amman	4,312
Embassy Paris	3,775
Embassy Kuwait	3,717
Embassy Madrid	3,620
American Institute Taiwan, Taipei	3,456
Embassy Moscow	3,376
Embassy Colombo	3,325
Embassy Beijing	3,297
Embassy Tel Aviv	3,194
USUN New York	3,116
Embassy Khartoum	3,078
Embassy Jakarta	3,059
Embassy New Delhi	3,038
Embassy Abuja	3,025
Embassy The Hague	3,021
Embassy Harare	2,998
Embassy Kabul	2,961
Embassy Bangkok	2,941
Embassy Rome	2,890
Embassy Cairo	2,752
Embassy Kinshasa	2,551
Embassy Abu Dhabi	2,547
Embassy Ashgabat	2,439
Embassy Bogota	2,416
Embassy Beirut	2,368
Embassy Caracas	2,340
Embassy Hanoi	2,325
Embassy Mexico	2,285
Embassy Kathmandu	2,278
Embassy Buenos Aires	2,233
Embassy Islamabad	2,220
Consulate Jerusalem	2,217
Embassy Dhaka	1,984
Embassy Seoul	1,980
Embassy Tegucigalpa	1,958
Embassy Ottawa	1,948
Embassy Brasilia	1,947
Embassy Rangoon	1,864
Embassy Nairobi	1,821
Embassy Manila	1,796
Embassy Yerevan	1,735
Embassy Vienna	1,722
Embassy Berlin	1,719
Embassy Zagreb	1,686
Embassy Santo Domingo	1,675
Embassy Manama	1,645
Embassy Muscat	1,644
Embassy Sanaa	1,591
Embassy Baku	1,569
Embassy Pretoria	1,566
Embassy Wellington	1,490
Consulate Lagos	1,487
Embassy Santiago	1,464
Embassy Quito	1,450
Embassy Damascus	1,419
Embassy Addis Ababa	1,395
Embassy Astana	1,394
Embassy Lima	1,388
Embassy Rabat	1,365
Embassy Athens	1,313
Embassy La Paz	1,299
Embassy Tashkent	1,296
Embassy Prague	1,271
Embassy Managua	1,264
Embassy Guatemala	1,261
Embassy Riyadh	1,245
Embassy Port Au Prince	1,214
Embassy Bridgetown	1,204
Embassy Bratislava	1,172
Embassy Tbilisi	1,167
Embassy Asuncion	1,148
Embassy Kyiv	1,139
Embassy Kingston	1,138
Embassy Brussels	1,136
Embassy San Salvador	1,119
Embassy London	1,083
Embassy Tunis	1,055
Embassy Minsk	1,014
USEU Brussels	1,000
Embassy Belgrade	994
Embassy Kuala Lumpur	994
Embassy Dushanbe	990
Embassy Sofia	978
Embassy Bishkek	973
Embassy Maputo	970
Embassy Warsaw	970
Embassy Djibouti	956
Consulate Hong Kong	950
Embassy Ndjamena	948
Embassy Canberra	933
Embassy Panama	912
Embassy Dublin	910
Embassy Vilnius	903
Consulate Adana	887
Embassy Sarajevo	869
Embassy Accra	862
Embassy Nicosia	849
Embassy Conakry	847
Embassy Ljubljana	836
Embassy Bucharest	830
Embassy Algiers	806
Mission USNATO	799
Consulate Sao Paulo	786
Consulate Ho Chi Minh City	777
Embassy Phnom Penh	777
Embassy San Jose	764
Embassy Oslo	763
Consulate Istanbul	752
Embassy Budapest	734
Embassy Vatican	729
Embassy Lisbon	722
Embassy Lilongwe	715
Embassy Singapore	704
Embassy Dakar	681
Embassy Stockholm	671
Embassy Pristina	668
Embassy Dar Es Salaam	665
Consulate Guangzhou	662
Embassy Kigali	651
Embassy Doha	640
Embassy Riga	632
Embassy Tallinn	610
Embassy Maseru	607
Embassy Helsinki	601
Embassy Tripoli	598
Embassy Asmara	564
UNVIE	560
Consulate Shanghai	555
Embassy Paramaribo	554
Embassy Abidjan	549
Embassy Antananarivo	535
US Mission Geneva	529
Embassy Skopje	522
US Interests Section Havana	507
Embassy Nouakchott	498
Embassy Niamey	490
Embassy Freetown	480
US Office Almaty	477
Embassy Tirana	452
Embassy Montevideo	445
Embassy Ulaanbaatar	432
Mission Geneva	432
Embassy Chisinau	425
Embassy Kampala	417
Embassy Bamako	399
Embassy Georgetown	395
Embassy Nassau	394
Embassy Suva	393
Embassy Port Of Spain	391
Embassy Dili	390
Consulate Jeddah	382
REO Basrah	373
Consulate Kolkata	364
Embassy Yaounde	337
Embassy Cotonou	327
Embassy Luanda	315
Embassy Monrovia	315
Consulate Chennai	305
Iran RPO Dubai	302
Mission USOSCE	302
Consulate Frankfurt	297
Embassy Copenhagen	297
Embassy Lusaka	295
Embassy Reykjavik	290
Embassy Vientiane	285
Consulate Chiang Mai	278
REO Hillah	275
Embassy Gaborone	274
Consulate Chengdu	260
Embassy Bandar Seri Begawan	256
Embassy Banjul	256
Embassy Bern	255
Consulate Dubai	237
Consulate Casablanca	232
Embassy Libreville	232
Embassy Belmopan	231
Consulate Mumbai	199
Embassy Port Louis	195
Embassy Ouagadougou	181
Consulate Peshawar	176
Embassy Bujumbura	176
Embassy Luxembourg	168
Consulate Surabaya	167
Embassy Podgorica	164
Consulate Monterrey	159
Consulate Toronto	145
Embassy Windhoek	141
REO Kirkuk	138
Consulate Halifax	136
Consulate Rio De Janeiro	121
Consulate Shenyang	120
Embassy Grenada	119
Consulate Karachi	113
Embassy Lome	112
Consulate Munich	108
Consulate Lahore	104
Embassy Bangui	102
Embassy Valletta	101
Consulate Vladivostok	100
Mission UNESCO	93
Embassy Mbabane	89
Consulate Montreal	82
Consulate Cape Town	81
Consulate Nogales	78
Consulate Melbourne	75
Embassy Kolonia	75
Consulate Dusseldorf	73
Consulate Thessaloniki	72
Embassy Brazzaville	70
Embassy Port Moresby	66
Consulate Durban	56
UN Rome	55
Consulate Hamburg	52
Consulate Quebec	52
REO Mosul	51
US Delegation, Secretary	51
Embassy Praia	49
Consulate St Petersburg	48
Consulate Vancouver	44
Consulate Osaka Kobe	40
Consulate Johannesburg	39
Consulate Naha	39
Consulate Milan	38
Consulate Guayaquil	36
Consulate Dhahran	34
Consulate Yekaterinburg	34
Consulate Guadalajara	32
Consulate Barcelona	31
Consulate Hamilton	27
Consulate Tijuana	27
Embassy Mogadishu	27
Consulate Strasbourg	22
Consulate Curacao	19
Consulate Hermosillo	19
Consulate Naples	19
US Mission CD Geneva	19
Consulate Amsterdam	18
Consulate Alexandria	17
Consulate Belfast	15
Consulate Auckland	14
Consulate Calgary	14
Consulate Fukuoka	13
Consulate Recife	13
Embassy Malabo	13
Embassy Tehran	13
Consulate Sydney	12
Consulate Perth	11
American Consulate Hyderabad	10
Consulate Ciudad Juarez	10
Consulate Florence	10
Consulate Kaduna	9
Embassy Apia	9
Embassy Majuro	9
US Delegation FEST TWO	9
Consulate Leipzig	8
Consulate Matamoros	7
Embassy Koror	7
Consulate Izmir	5
Consulate Marseille	5
Consulate Nuevo Laredo	5
Consulate Sapporo	5
Consulate Nagoya	4
Consulate Merida	3
Consulate Krakow	2
** Dhahran	1
Consulate Ponta Delgada	1
Department of State	1
DIR FSINFATC	1
Embasy Bonn	1
US OFFICE FSC CHARLESTON	1
USMISSION USTR GENEVA	1
	251,287
	729